Bakı, 21 iyun, AZƏRTAC
Azərbaycan Mühəndislik Akademiyası və Milli Aviasiya Akademiyasının birgə əməkdaşlığı ilə Əhəd Canəhmədov, Ədalət Səmədov, Maksim Cavadov və Nigar Pənahova tərəfindən yazılıb nəşr olunan “Texniki mexanika” adlı dərs vəsaiti Rusiya Mühəndislik Akademiyasının elan etdiyi ilk çapçı İvan Fyodorov adına beynəlxalq müsabiqəyə təqdim olunub.
Mühəndislik Akademiyasından AZƏRTAC-a bildirilib ki, yekun nəticəyə görə, “Texniki mexanika” dərs vəsaiti müsabiqənin laureatı seçilib. Müəlliflər Rusiya Mühəndislik Akademiyasının Diplom və Medalı ilə təltif olunublar.
