Hindistanın “Praqyan” lunoxodu (Ay missiyası) “Çandrayaan-3” missiyası çərçivəsində Ayın Cənub Qütbündə kükürd və oksigen, o cümlədən dəmir, titan və xrom kimi metalların izlərini aşkar edib. Bu barədə Hindistan Kosmik Tədqiqatlar Təşkilatı (ISRO) X (keçmiş “Twitter”) hesabında məlumat verib.
Qurum bildirib ki, hazırda hidrogen axtarışları davam edir.
Bundan əvvəl “Çandrayaan-3” missiyasının eniş modulu ilə Aya çatdırılan Hindistanın “Praqyan” aparatı Ayın səthindən yeni görüntüləri ötürüb.
Hindistan Kosmik Tədqiqatlar Təşkilatının X (Twitter) sosial şəbəkəsində yerləşdirilən görüntülər stansiyanın ön hissəsində yerləşən naviqasiya kameraları vasitəsilə çəkilib.
İstinad: buta.media
