Bəzi qədim inanclara görə kainat 4 ünsürdən — su, od, külək və torpaqdan yaranıb.
Hər il “Novruz Bayramı” ndan öncə 4 çərşənbə qeyd olunur. Çərşənbələr yazın gəlişindən xəbər verir.
Tusi adına Şamaxı Astrofizika Rəsədxanasından verilən məlumata görə 2023-cü ilin ilk çərşənbəsi fevralın 21-i, axırıncı çərşənbəsi isə martın 14-nə təsadüf edəcək.
Qeyd edək ki, 2023-cü il üçün yaz fəslinin Azərbaycana gəlişi martın 21-i Bakı vaxtı ilə saat 01:24:24-ə təsadüf edəcək. Bu zaman gecə ilə gündüz bərabərləşir, Günəş ekliptika üzrə hərəkət edərək ekvatoru kəsib Cənub yarımkürəsindən Şimal yarımkürəsinə keçir və həmin andan Şimal yarımkürəsində yaz fəsli başlayır. Yaz fəslinin uzunluğu 92 gün 17 saat 33 dəqiqə 23 saniyə olacaq.
