Bakı, 26 may, AZƏRTAC
Azərbaycan Mühəndislik Akademiyasının elmi orqanı olan “Azərbaycan Mühəndislik Akademiyasının xəbərləri” jurnalı “International Scientific Indexing” beynəlxalq elmi sitatlaşma bazasına yerləşdirilərək yüksək qiymətləndirilib və ona müvafiq sertifikat verilib.
Azərbaycan Mühəndislik Akademiyasından AZƏRTAC-a bildirilib ki, baş redaktoru akademik Arif Paşayev olan bu jurnala 2020-2021-ci illər üçün impakt faktor – 1,327 təyin edilib. Hesab edirik ki, bu, 28 may – Respublika Günü ərəfəsində Azərbaycan elminə beynəlxalq miqyasda verilən böyük qiymətdir.
